Një shqiptar fal Italinë. Andi Zeqiri futbollisti kosovar që ka zgjedhur të përfaqësojnë Zvicrën humbi një rast flagrant në fundin e takimit ndaj Italisë që mund t’i jepte tre pikët përfaqësueses helvete, ndoshta dhe kualifikimin direkt në Botërorin Katar 2022.

Zeqiri i hedhur në fushë vetëm në minutën e 86-të nga trajneri Murat Yakin, në minutën e 2-të shtesë pak çaste pas penalltisë së humbur nga Jorginho, me portën e boshatisur nuk arriti të godiste dhe të përfitonte nga një gabim i italianëve i portierit Donnarumma pas avancimit të mesfushorit Denis Zakaria.

Për më tepër shikoni videon më poshtë pasi rasti i humbur është për të vënë duart në kokë.