Një person është plagosur në Deçan, pas të shtënave me armë zjarri në rrugën “Luan Haradinaj”, shkruan Gazeta Express.
Zëdhënësi i Policisë për Rajonin e Pejës, Driton Rugova ka konfirmuar për Express, së personi i plagosur është transportuar për në Spitalin e Pejës.
Ndërkohë, personi i dyshuar për këtë plagosje, sipas Rugovës është arrestuar.
“Sot me daten 12.11.2021 rreth orës 15:15, Policia është informuar se në rr. Luan Haradinaj në Deçan ka pasur të shtëna me armë zjarri me çrast ështe plagosur një person. Personi i plagosur është dërguar në QKMF-Deçan, i njejti është transportuar në Spitalin Rajonal Pejë, i dyshuari është arrestuar dhe ndodhet në objektet e Stacionit Policor në Deçan“, ka thënë ai për Express.
