Interi dhe Ajaxi po mendojnë për shkëmbimin, Eriksen s’mund të luajë në Serie A me defibrilator
Eksperienca e Christian Eriksenit në Inter duket se ka marrë fund.
Mesfushori danez nuk ka të drejt të luajë në Serie A me defibrilator, të cilin e ka vendosur pas sulmit në zemër që e pati në Euro 2020.
Prandaj, ish-futbollisti i Tottenhamit mund të rikthehet në Holandë.
Sipas mediumit italian “Tuttosport”, Interi dhe Ajaxi po e mendojnë shkëmbimin e futbollistëve, përcjell “Gazeta Express”.
Me këtë rast, Eriksen do të përfundonte në Amsterdam, kurse portieri Andre Onana në Milano.
Mbetet të shihet nëse ky ndërrim do të realizohet në afatin kalimtar të janarit. /Gazeta Express/
