Ahmeti: Si kuptojë kosovarët që e kundërshtojnë vendosjen e reciprocitetit

PUBLIKUAR

Kryetari i Komunës së Prishtinës, Shpend Ahmeti ka reaguar pas zhvillimeve të fundit në veri të vendit. Ai përmes një postimi në “Facebook”, ka thënë se nuk i kupton shtetasit e Kosovës që e kundërshtojnë vendosjen e masës së reciprocitetit ndaj Serbisë, shkruan Gazeta Express.

Ahmeti tha se shpreson që Qeveria e ka menduar si strategji vendosjen e kësaj mase e jo si hap të vetëm.

“Por nuk e kuptoj shtetasin e Kosovës (spo them vetëm shqiptarët) që e kundërshtojnë këtë masë, edhe në qoftë se është për fushatë.  Po ashtu shpresoj se Qeveria e ka menduar këtë si strategji e jo vetëm si hap të vetëm.  Reagimi i radhes i shtetit Serb sipas të gjitha gjasave do jetë bllokimi i pjesshëm i kamionëve të Kosovës apo ndonjë goditje tjetër ekonomike”, ka shkruar ai.

Postimi i plotë:

E kuptoj (jo mirëkuptoj) reagimin e Serbise ndaj masave me tabela të veturave.

E kuptoj (jo mirëkuptoj) edhe reagimin e serbeve të Kosovës.

E kuptoj edhe këndin e ndërkombëtarëve për friken nga çfarëdo eskalimi.

Por nuk e kuptoj shtetasin e Kosovës (spo them vetëm shqiptarët) që e kundërshtojnë këtë masë, edhe në qoftë se është për fushatë.

Po ashtu shpresoj se Qeveria e ka menduar këtë si strategji e jo vetëm si hap të vetëm.  Reagimi i radhes i shtetit Serb sipas të gjitha gjasave do jetë bllokimi i pjesshëm i kamionëve të Kosovës apo ndonjë goditje tjetër ekonomike.

Ajo që të tjerët mund dhe duhet të bëjmë është të thërrasim për qetësi e maturi të qytetarëve të të gjitha përkatësive kombëtare.

SHIKO MË SHUMË

Hidhet koktej molotovi në një auto-sallon në Graçanicë, autorët largohen me motoçikletë

Një auto-sallon në Graçanicë ka qenë cak i një sulmi me koktej molotovi gjatë...

Hoti: Qeveria nuk mori masa kundër shtrenjtimit, bizneset me fatura trefish më të larta të energjisë

Deputeti nga Lidhja Demokratike e Kosovës, Avdullah Hoti, kritikon Qeverinë për mungesë të masave...

Zhduket një vajzë në Prizren

Një vajzë është zhdukur në Prizren, ka njoftuar Policia e Kosovës. Ngjarjen e raportoi në...