Një aksident trafiku ka ndodhur mbrëmë rreth orës 19:00 në rrugën rajonale Mitrovicë-Pejë, saktësisht në fshatin Runik. Nga ky aksident kanë mbetur të lënduar dy persona, njëri prej të cilëve ka ndërruar jetë, raporton Express.
Rastin për Express e ka konfirmuar zëdhënësi i Policisë për Rajonin e Mitrovicës, Avni Zahiti.
Zahiti ka bërë me dije se me urdhër të prokurorit, trupi i pajetë i viktimës është dërguar në Institutin e Mjekësisë Ligjore.
“Si pasojë e aksidentit, lëndime trupore kanë pësuar dy drejtuesit e automjeteve si dhe tre pasagjeret. Dy nga të lënduarit janë dërguar në QKUK për tretman mjekësor, Ndërsa sot në ora 03:18 të datës 18 janar 2020, nga QKUK është raportuar se i lënduari viktima F .I., 41 vjeçar, nga lëndimet e pësuara ka ndërruar jetë”, ka thënë Zahiti./Express
