Thirrja alarmante për mungesë oksigjeni në Spitalin e Gjakovës, Zemaj reagon ashpër: E turpshme e pamoralshme

PUBLIKUAR

LAJME TË TJERA

Lushtaku kujton të vrarët në masakrën e Izbicës, thotë se kjo plagë nuk shërohet deri në arritjen e drejtësisë

Nënkryetari i Skenderajt, Sami Lushtaku ka kujtuar masakrën e ’99-ës të Izbicës. Në këtë masakër...

Dhunë fizike, psikike, kanosje e përdorim i armës, 12 raste të dhunës në familje në Kosovë në 24 orë

Policia e Kosovës ka njoftuar për 12 raste të dhunës në familje në 24...

Mbrëmë në media është raportuar se në Spitalin e Gjakovës ka mungesë të oksigjenit për pacientët që janë duke u trajtuar me COVID 19, raporton Gazeta Express.

Për këtë çështje ka folur Ministri i Shëndetësisë, Armend Zemaj në TV Dukagjini, derisa, është pyetur nëse është i vërtetë lajmi dhe thirrja që kanë marrë nga një mjek i këtij spitali se kanë oksigjen vetëm edhe për gjashtë orë.

Zemaj ka thënë se furnizimet janë të rregullta, e se lajmet për mungesë oksigjeni janë të pavërteta.

“Po mungesa ka pas në vazhdimësi ta quaj, po furnizimet janë të rregullta, me këto kapacitete që i ka nuk ka ndonëj shqetësim, nuk e di pse po e bënë këtë pyetje.

S’është e vërtetë, është gënjeshtër, këto gënjeshtra janë të dënueshme me ligjin, idenfitikone atë mjek me emër e mbiemër. Kam pa statuse edhe në orët e vona mbrëmë, po i shfrytëzojnë këto në orë të vona në kurriz të pacientëve”, thotë Zemaj, duke shtuar se po bëhet panik.

“Është e turpshme e pamoralshme që të shpërndahet panik. Nuk ju bën nderë, le të gjajnë zgjidhje të tjera”, shtoi ai.

Ministri i Shëndetësisë ka treguar nëse në Kosovë do të ketë masa të reja.

“Kemi mbledhë të gjithë inspektoratin policinë, në zbatimin e masave, sidomos lëvizjes që bëhen gjatë ditës, mund të ketë edhe lëvizje, këto masa e kanë ndalë infeksionin, po duhet ta shtojmë kujdesin”, shton ai.

Për mungesën e oksigjenit në spitalin e Gjakovës ka shkruar mbrëmë deputeti i Lëvizjes Vetëvendosje, Agon Batusha.

“Që disa ditë jemi duke reaguar dhe duke kërkuar oksigjen për Spitalin Rajonal të Gjakovës dhe asgjë. Jetërat e njerëzve po rrezikohen nga moskokqarja juaj, mjëkëve dhe infermierëve po ua pamundësoni punën. Jeni përgjegjës si institucion dhe si zyrtar për këto punë. REAGONI! OKSIGJEN sillni…urgjent madje”, ka thënë ai.

Batusha ka reaguar përsëri pas këtij lajmi, duke thënë se 48 bombola të oksigjenit janë siguruar pas raportimit.

“Pas disa telefonatash dhe kontaktesh me institucionet, më informuan që 48 bombola me oskigjen janë siguruar për Spitalin Rajonal “Isa Grezda” në Gjakovë për sonte. Kjo gjendje që po ndodh jo rrallë herë në Spitalet tona duhet të marrë fund duke siguruar sasi të mjaftueshme për shërbim dhe sasi të konsiderueshme rezervë për përdorim emergjent të oksigjenit. Nuk i meritojnë pacientët këto situata panike sepse mjaftushëm shqetësim kanë nga virusi. Shërim të shpejtë gjithë të infektuarve dhe dhashtë Zoti që të mos kemi më viktima në vendin tone”, ka thënë ai./GazetaExpres

SHIKO MË SHUMË

Lushtaku kujton të vrarët në masakrën e Izbicës, thotë se kjo plagë nuk shërohet deri në arritjen e drejtësisë

Nënkryetari i Skenderajt, Sami Lushtaku ka kujtuar masakrën e ’99-ës të Izbicës. Në këtë masakër...

Dhunë fizike, psikike, kanosje e përdorim i armës, 12 raste të dhunës në familje në Kosovë në 24 orë

Policia e Kosovës ka njoftuar për 12 raste të dhunës në familje në 24...

Kurti: Demonstratat e vitit 1989, simbol i rezistencës së popullit të Kosovës ndaj shtypjes serbe

Kryeministri Albin Kurti ka kujtuar demonstratat popullore të vitit 1989, në 35 vjetorin e...