Tentim vrasje me katër plumba në Prishtinë, i dyshuari ka ikur nga vendi i ngjarjes

Një ngjarje e rëndë ka ndodhur ditën e djeshme në Prishtinë. Një persona ka shtënë katër herë me armë zjarri ndaj një personi tjetër, por që fatmirësisht, viktima ka shpëtuar, shkruan Express.

Sipas njoftimit të policisë, viktima është plagosur në këmbë, ndërsa i dyshuari kishte ikur nga vendi i ngjarjes.

“Raportohet se një  person i panjohur  ka shtënë  me armë zjarri dhe nga të shtënat është  plagosur në këmbë viktima mashkull K/Shqiptar. I dyshuari pas të shtënave kishte ikur nga vendi i ngjarjes” thuhet në njoftimin e Policisë së Kosovës.

E SPONZORIZUAR

Në vendin e ngjarjes, policia ka konfiskuar katër gëzhoja të fishekëve, ndërsa rasti është duke u hetuar.

“Në vendin e ngjarjes kanë dalë njësitë policore ku kanë gjetur dhe konfiskuar 4 gëzhoja të fishekëve. Është njoftuar prokurori i cili e ka cilësuar rastin, ku vazhdon të hetohet nga njësitë relevante.” Thuhet në njoftim. /GazetaExpress/