Në fshatin Treboviq të Pejës, është arrestuar i dyshuari mashkull i cili kishte shkuar në një shtëpi ku kishte shkaktuar dhunë, kanosje, dëmtim prone, lëndim trupor dhe sulm seksual, përcjell Express
Sipas policisë së Kosovës, ngjarja ka ndodhur më 17 mars, rreth orës 16:00.
“Është arrestuar i dyshuari mashkull K/Shqiptar i cili kishte shkuar në shtëpinë e viktimave femër dhe mashkull K/Egjiptas i kishte kanosë me armë, viktimën femër e kishte goditë në fytyrë me dorëz të armës, kurse viktimës mashkull i kishte dërguar disa foto intime të motrës së tij, të cilën dyshohet se e kishte sulmuar seksualisht dhe e njëjta ka pranuar tretman mjekësor”, thotë raporti i policisë.
I dyshuari në stacion policor e kishte kanosur edhe një zyrtare policore. Pas intervistimit me vendim të prokurorit, i dyshuari është dërguar në mbajtje.