Një person shtetas i Serbisë është arrestuar nga policia e Kosovës pasi që i njëjti ka tentuar që ta kalojë ilegalisht kufirin, me automjet që barte targat e huaja, transmeton “Zëri.info”.
Sipas policisë i dyshuari në automjet kishte të ngarkuara rreth 400 litra derivate.
Ngjarja ka ndodhur në pikë kalimin kufitar në Leposaviq.
“Postenje, Leposaviq (DN:776-784) 13.04.2019 09:00. Raportohet se njësia policore ka takuat të dyshuarin mashkull serb /shtetas i Serbisë, duke tentuar ta kaloj kufirin në mënyrë ilegale me automjetin me tabela të huaja. ku në të kishte të ngarkuara rreth 400 (katër qind) litra derivate në vlerë 430(katër qind e tridhjetë) Euro. Me vendim të prokurorit, malli dhe automjeti janë dërguar në terminalin doganor, ndërsa i dyshuari pas intervistimit është liruar, rasti në procedure të rregullt”, thuhet në njoftimin e policisë. /ZËRI