Deputeti i Kuvendit të Kosovës, Korab Sejdiu, ka thënë se Ministria e Integrimeve Evropiane ka nënshkruar kontratë mijëra euro për kompani lobimi në SHBA, për t’i shërbyer kryetarit të Kuvendit, Kadri Veseli.

Në një postim në llogarinë e tij në Facebook, Sejdiu, ka bashkangjitur një fotografi dhe ka shkruar se “për këta “njerëz” burgu pak është”.

“A janë more këta në tokë të bukës! Ministria e Integrimeve Evropiane (jo integrimeve amerikane) nënshkruan kontratë qindra mijëra euro me kompani lobimi në SHBA (jo në BE), për me i shërbyer personalisht Kadri Veselit. Për këta “njerëz”, burgu pak është!”, ka shkruar Sejdiu./Telegrafi/