Real Madridi është i interesuar ta transferojë sulmuesin e Leipzigut, Timo Werner, gjatë afatit kalimtar të janarit, sipas Sky Sport Germany.

23-vjeçari nënshkroi kontratë të re me liderin aktual të Bundesligës në gusht të vitit 2019 dhe ka kontratë në Leipzig deri më 2023, transmeton Gazeta Express.

Vitin e kaluar, drejtori sportiv i Leipzigut, Markus Krosche, tha se Werner nuk do të largohet nga klubi në të ardhmen e afërt, përkundër interesimit nga Liverpooli dhe Manchester Unitedi.

“Timo sapo e ka rinovuar kontratën me ne dhe ne nuk e kemi në mendje ta lëshojmë atë të largohet”, kishte thënë Krosche për Bild në nëntor të 2019-tës.

Werner i ka 18 gola dhe gjashtë asiste në 17 ndeshjet e zhvilluara në ligën elitare gjermane të futbollit këtë sezon. /Gazeta Express/