Drejtori i Policisë së Kosovës, Rashit Qalaj gjatë raportimit të tij para komisonit për të Drejtat, Interesat e Komuniteteve dhe për Kthim, lidhur me gjendjen e sigurisë në Kosovë dhe incidentet me motive ndëretnike tha se në krahasim me vitet e kaluara numri i këtyre incidenteve është zvogëluar dukshëm raporton “Zeri.info”.
“Mund të them se rastet me motive etnike në Kosovë janë më ramje e sipër. Në vend gjatë vitit 2018 kemi pasur vetëm 10 raste me motive ndëretnike, 9 prej të cilave janë zbuluar dhe dorëzuar në prokurori. Pra ka qenë gati 100% efektshmëria”, tha Qelaj.
Ai po ashtu vlerësoi se gjendja e sigurisë së komuniteteve në Kosovë është e qetë, pavarësisht incidenteve të vogla që ndodhin herë pas here.
Ndër të tjera anëtarët e komisionit nga radhët e komuniteteve u shprehën po ashtu të kënaqur me gjendjen e sigurisë së komuniteteve në vend/Zeri
