Por një gjë e tillë del të mos jetë e vërtetë. Burime të Indeksonline bëjnë të ditur se nuk ka pasur asnjë kërkesë tek autoritetet kosovare për të lejuar aterimin dhe ngritjen e një avioni charter nga Aeroporti i Prishtinës për në Holandë.

Do të thotë aeroplan special nuk do të ketë për në Hagë, sepse personat e thirrur nga Zyra e Prokurorit do të vetëdorëzohen dhe se asnjë kërkesë zyrtare nuk është bërë tek autoritet e Kosovës për një aeroplan të tillë.

Ndryshe kërkesa për avion civil dhe jashtë linjave të rregullta apo turistike duhet të bëhet 24 orë më herët, gjë që nuk është bërë, kurse leja për një fluturim të tillë jepet nga Ministria e Infrastrukturës.

Pra në bazë të burimeve të Indeksonline nuk ka aeroplan charter i cili do të fluturojë nesër për në Aeroportin e Rotterdamit apo pak kilometra larg objektit të Dhomave të Specializuara për Kosovën dhe Zyrës së Prokurorit Special.

Ndryshe emra të shumtë e të njohur për opinionin publik u ftuan së fundi nga Zyra e Prokurorit për t’u intervistuar lidhur me krimet e supozuara të UÇK-së./Indeksonline/