Në Mitrovicë arrestohet një person i dyshuar për veprën penale ‘grabitje’

Me datën 24 qershor 2019, në rrugën “Mbretëresha Teutë”, derisa ishte duke patrulluar Njësia e Hetimeve Rajonale, ka vërejtur se i kërkuari për veprën penale ‘grabitje’, Ç. B. 19 vjeçar, gjendet në veturën e cila ishte në lëvizje, ku Policia ka arritur ta përcjellë veturën në fjalë duke bërë arrestimin e këtij personi të dyshuar.

Personi i dyshuar tashmë i arrestuar dyshohet për kryerjen e veprës penale ‘grabitje’, të raportuar me datën 14.05.2019 në Vushtrri.

E SPONZORIZUAR

Nga hetimet e deritanishme, bazuar në deklaratën e viktimës, bëhet e ditur se me datën 14.05.2019 i dyshuari në një bankë ka grabitur 2000 euro.

Me urdhër të prokurorit të çështjes, të dyshuarit i është caktuar masa e ndalimit policor.