Kur do të vazhdojnë bisedimet VV-LDK? Tregojnë partitë

PUBLIKUAR

LAJME TË TJERA

Moti sot i vranët e me shi

Sot parashihet të mbajë mot kryesisht i vranët dhe kohë pas kohe me reshje...

Ish-komandant Qeriqi përfundon dëshminë në rastin Thaçi dhe të tjerët

(Përditësuar, ora 13:29)- Pas dy ditësh e gjysmë dëshmi, ka përfunduar dëshminë dëshmitari i...

Takimi i fundit mes kryetarit të Lëvizjes Vetëvendosje, Albin Kurti, dhe atij të Lidhjes Demokratike të Kosovës, Isa Mustafa, pritej të rezultonte me arritje të marrëveshjes mes dy partive për bashkëqeverisje.

Por, një gjë e tillë nuk ndodhi, pasi palët nuk u morën vesh për ndarjen e përgjegjësive në ekzekutiv.

Ndonëse një takim i ri ende nuk është caktuar, pasi Kurti gjendet në Berlin, nga LDK-ja është bërë e ditur se po presin thirrje nga VV-ja për takimin e radhës.

Zyrtari për media nga VV-ja, Arlind Manxhuka, ka thënë se Kurti e Mustafa janë në kontakt të vazhdueshëm.

“Kryetari i Lëvizjes Albin Kurti momentalisht është jashtë vendit, por ai mban komunikim me kryetarin Mustafa dhe sa jemi ne dijeni Kurti i ka shkruar së fundi kryetarit të LDK-së”, ka thënë ai për koha.net.

E një gjë e tillë nuk është mohuar as nga LDK-ja.

Zëdhënësi i kësaj partie, Besian Mustafa, ka thënë se po sa Kurti të kthehet nga Berlini dhe momentin që do t’ua lejojë agjenda të dyja palëve, do të mbahet takimi i radhës.

“Kurti dhe Mustafa janë në komunikim të vazhdueshëm, meqenëse Kurti është në Berlin, atëherë takimi mes tyre njëherë nuk është i mundur. Po sa të kthehet dhe po sa t’ua lejon agjenda të dy kryetarëve, ata do të takohen”, ka thënë Mustafa.

Jo zyrtarisht mësohet se lideri i Lëvizjes Vetëvendosje, Albin Kurti, do të kthehet nga Berlini më së largu nesër.

Kujtojmë se VV e LDK menjëherë pas zgjedhjeve kanë mbajtur takime me grupe punuese për harmonizimin e programit bashkëqeverisës.

Një program i tillë, nga të dyja partitë u tha se u harmonizua pothuajse 100 për qind në të gjitha fushat.

Por gjërat ngecën pas certifikimit të rezultatit zgjedhor, kur nisën takimet mes liderëve të dy partive, ndonëse Kurti kishte deklaruar se marrëveshja do të arrihet 72 orë pas certifikimit të zgjedhjeve nga KQZ-ja.

E pika ndarëse mes dy partive duket të jetë pozita e presidentit. Këtë e ka konfirmuar edhe nënkryetari i LVV-së, Glauk Konjufca në emisionin “Pressing”, në televizionin T7.

Ai tha se marrëveshja nuk u arrit sepse LDK-ja e kushtëzoi atë me pozitën e presidentit.

Ndërkaq anëtari i LDK-së Avdullah Hoti, ditë më parë deklaroi se kërkesat e subjektit të tij janë krejtësisht të bazuara.

Ai tha se dallimi në vota mes VV-së e LDK-së është shumë i vogël dhe si rrjedhojë kërkojnë përgjegjësi të barabarta në qeverisje.

Madje Hoti tha në KTV se nëse Vetëvendosjes i duken të tepruara kërkesat e LDK-së për pesë ministri, postin e presidentit e kryeparlamentarit, të njëjtit mund t’i ndërrojnë vendet, LDK-ja të marrë pozitën e kryeministrit e VV-ja pjesën tjetër.

SHIKO MË SHUMË

Moti sot i vranët e me shi

Sot parashihet të mbajë mot kryesisht i vranët dhe kohë pas kohe me reshje...

Dëshmitari Qeriqi pyetet për takimet me ish-krerët e UÇK-së si dhe për funksionet e tyre

Në Dhomat e Specializuara të Kosovës (DhSK) në Hagë po vazhdon dëshminë dëshmitari  Ramiz...

Depozitat në bankat vendore shkojnë në 6.05 miliardë euro

Banka Qendrore e Kosovës ka njoftuar se vlera e depozitave të reja për muajin...