Qeveria e Italisë ka nxjerr një dekret të ri duke i ndaluar stërvitjet në qendrat sportive për atletët profesionistë të paktën deri më 13 prill, për shkak të pandemisë koronavirus. Ky vendim i jep fund debatit mes klubeve të Serie A se kur duhet të rinisin stërvitjet.

Kryeministri i Italisë, Giovanni Conte, konfirmoi lajmin në një konferencë për media të mërkurën mbrëma, transmeton Gazeta Express.

Nuk lejohet mbajtja e stërvitjeve në qendrat sportive, madje as për profesionistët, të paktën deri më 13 prill.

Kjo i jep fund diskutimeve mes klubeve, Lega Serie A dhe Shoqatës së Futbollistëve Profesionistë, se kur duhet të rinisin stërvitjet.

Disa klube, në veçanti Lazio dhe Napoli, bënin trysni për t’i rinisur stërvitjet qoftë në grupe të vogla.

Edhe pse trendi i rasteve të reja, vdekjeve dhe personave që kërkojnë kujdes intensiv ka rënë dukshëm në ditët e fundit, Italia vazhdon t’i mbajë në fuqi masat e rrepta për ngujim, të paktën deri më 12 prill. /Gazeta Express/