KFOR ka bërë të ditur se të hënën me datë 24 qershor me njësitet e veta do të kryej një ushtrim në teren në Rajonin e Komunës së Prizrenit, përkatësisht në afërsi të fshatit Zhurë.
Në këtë ushtrim, përveç pjesëmarrjes së njësive ushtarake do të ketë edhe mjete të ushtrisë përfshirë edhe helikopter, transmeton Indeksonline.
Sipas KFOR-it, ky ushtrim nuk do të pengoj rrjedhën normale të qytetarëve.
“Andaj ju informojmë me kohë për këtë ushtrim ushtarak, në mënyre që qytetarët e rajonit të V’rrinit dhe banorët e Zhurit të mos shfaqin ndonjë habi apo diçka tjetër. Ju lusim që për cdo paqartësi të kontaktoni me policinë dhe nëse shihni shenja të KFOR-it në rrugë apo ndonjë pengesë me mirëkuptim kërkojmë që ato të respektohen nga ana Juaj”, thuhet në njoftimin e KFOR-it.
Policia e Kosovës do të jetë në vëzhgim të këtij aktiviteti dhe do të ofroj shërbime për cdo kërkesë të qytetarëve.