Hajrush Kurtaj, ish-luftëtari i UÇK-së nga Kaçaniku ka marrë ftesë nga Gjykata Speciale.

Ai këtë e ka bërë të ditur përmes një statusi në Facebook ku tha se është krenar për të luftën e tij në mbrojtje të atdheut, njofton Klan Kosova.

“Gjithë jetën kam qenë i angazhuar për të mirën e Kosovës dhe këtë e kam bërë tërësisht në baza vullnetare dhe me përkushtimin më të lartë. Epoka e Ushtrisë Çlirimtare e Kosovës, është pjesa më krenare e jetës sime”.

Ai do të intervistohet në Hagë më 10 shkurt të këtij viti.

“Gjenerata ime, si shumë gjenerata të tjera, ka përjetuar shtypjen e rëndë të kombit tonë. Ne nuk jemi pajtuar me atë gjendje, dhe unë jam krenarë që i jam përgjigjur thirrjes së atdheut tim për lirinë e kombit. Të gjitha angazhimet e mia i kam realizuar me nder dhe përgjegjësi të plotë, e me krenari të jashtëzakonshme”.

Ai u shpreh i bindur se edhe kjo gjykatë do ta vërtetojë luftën e drejtë dhe të pastër të Ushtrisë Çlirimtare të Kosovës, por edhe që do t’i ndalë goditjet ndaj të vërtetës së popullit tonë dhe Ushtrisë Çlirimtare të Kosovës.