Një gjuajtje me armë ka ndodhur para orës 22:00 në kryeqytetin e Kosovës, saktësisht tek Posta Kryesore.
Lajmin për Gazetën Express e ka konfirmuar Bajram Krasniqi nga Policia e Kosovës.
“Sonte rreth orës 21:50, tek posta kryesore në Prishtinë ka pasur gjuajtje me armë zjarri. Policia ka dalë në vend-ngjarje, një veturë është dëmtuar, për momentin nuk kemi informata për persona të lënduar. Policia po e trajton rastin dhe për të informacione tjera u njoftojmë me kohë”, tha ai.
Tutje, Krasniqi tha se aktualisht nuk dihet për persona të lënduar.
Megjithatë, raportohet se në incident janë të përfshira në veturë e tipit Mercedes dhe një tjetër e tipit Golf 7.
