Shefja e Zyrës së BE’së në Kosovë, Natalya Apostolova, ka reaguar lidhur me incidentin e djegies së veturës së deputetit të Kuvendit të Kosovës, Slavko Simic.
Apostolova ka thënë se është e shqetësuar lidhur me raportimet për sulmin ndaj pronës e nënkryetarit të Kuvendit të Kosovës.
“Pres që Policia të kryejë një hetim të shpejtë dhe të plotë në mënyrë që autorët të dalin para drejtësisë”, ka thënë Apostolova, raporton Gazeta Express.
Vetura e deputetit të Listës Serbe, Slavko Simic, është djegur në orët e vona të së mërkurës në veri të Republikës së Kosovës.
Ndërkohë nuk është raportuar për asnjë të lënduar. Reagime lidhur me rastin kanë ardhur edhe nga Beogradi./Express/
