Ambasada amerikane: Mohimi i krimeve në Kosovë ofendon kujtimet për viktimat

Muajt e parë të vitit 2019, kanë shënuar 20-vjetorin e masakrave në komuna të ndryshme të Kosovës, përcjellë Indeksonline.

Gjersa shënohej 20 vjetorit i krimeve të luftës, disa nga liderët serb në Kosovë e rajon kanë mohuar ato.

E SPONZORIZUAR

Lidhur me këtë ka reaguar edhe Ambasada e ShBA-së në Kosovë.

“Gjersa Kosova përkujton 20 vjetorin e mizorive të luftës, Ambasada e SHBA-së shprehë ngushëllimet e sinqerta familjeve të viktimave. Të mohuarit e mizorive ofendon kujtimet për viktimat, i traumatizon familjet edhe më shumë, dhe minon përparimin në ndërtimin e një shteti demokratik dhe shumetnik”.

Përmes një njoftimi dërguar mediave, ambasada amerikane ka kërkuar nga udhëheqësit kosovarë që të përmbahen në deklarimet që bëjnë.

“Ne po ashtu nxisim udhëheqësit e Kosovës nga radhët e gjitha bashkësive që të përmbahen nga retorika ndezëse. Përkushtimi ndaj të së vërtetës për të kaluarën e luftës është jetësor për një të ardhme paqësore”, thuhet tutje në njoftim.