Agjencia Kundër Korrupsionit ka një kërkesë për deputetët që po e përfundojnë mandatin

PUBLIKUAR

LAJME TË TJERA

Delegati apostolik vjen në Prishtinë, Presidentja e falënderon që Kosovës iu lejua prania e përhershme në Vatikan

Presidentja e Kosovës, Vjosa Osmani ka takuar sot Delegatin Apostolik të Selisë së Shenjtë...

Vazhdon të shtyhet votimi i Projektligjit për shëndetin riprodhues

Kuvendi i Kosovës ka dështuar ta votojë në lexim të dytë Projektligjin për shëndetin...

Zyrtarëve politik që po e përfundojnë mandatin pas mbajtjes së zgjedhjeve të reja, dhe para formimit të qeverisë re, u janë përcaktuar disa obligime shtesë.

Agjencia Kundër Korrupsionit, ka kërkuar nga ta që ta deklarojnë pasurinë e tyre para largimit nga funksioni publik

Kësisoj, AKK ka kërkuar nga funksionarët publik që ta paraqesin pasurinë e tyre në afatin e rregullt kohor.

Nga AKK thonë për lajmi.net se të gjithë zyrtarët publik janë të detyruar të deklarojnë pasurinë e tyre, me rastin e marrjes së detyrës dhe gjithashtu pas largimit nga funksioni publik.

“Bazuar në ligjin nr. 04/l-050 për deklarimin, prejardhjen dhe kontrollin e pasurisë të zyrtarëve të lartë publik dhe deklarimin, prejardhjen dhe kontrollin e dhuratave për të gjithë personat zyrtarë, si dhe ligjin nr. 04/l -228 për ndryshimin dhe plotësimin e ligjit nr. 04/l-050,  të gjithë zyrtarët e lartë publik janë të obliguar të deklarojnë pasurinë me rastin e marrjes së detyrë dhe pas largimit nga funksioni publik, gjithashtu janë të obliguar të paraqesin pasurin edhe në afatin e rregullt vjetor dhe sipas kërkesës së Agjencisë kundër Korrupsionit”, thuhet në përgjigjen e Agjencisë Kundër Korrupsionit për lajmi.net.

Në këtë formë, AKK ka kërkuar nga deputetët e legjislaturës së re dhe asaj të vjetrës, që mos ta tejkalojnë afatin e deklarimit të pasurisë.

“Agjencia kundër Korrupsionit ka kërkuar të respektojnë afatet e deklarimit të pasurisë për Deputetët e legjislaturës së VI pas mbarimit të mandatit, dhe legjislaturës së VII me rastin e marrjes së detyrës”, ka thënë Agron Behrami nga Agjencia Kundër Korrupsion për lajmi.net.

E një gjë të tillë, AKK nuk e ka kërkuar për kabinetin qeveritar.

Kjo me arsyetimin se të njëjtit persona po i ushtrojnë ende funksionet e tyre publike.

“Ndërsa sa i përket kabinetit Qeveritar, Agjencia kundër Korrupsionit nuk ka kërkuar deklarimin e pasurisë pasi që këta zyrtar të lartë publik ende ushtrojnë funksionet publike”, thotë Agron Behrami nga AKK.

Vonesa në krijimin e Qeverisë i ka “amnistuar” për pak kohë zyrtarët e qeverisë, që kanë pak më shumë kohë ta deklarojnë pasurinë e tyre në AKK.

Me ardhjen e qeverisë së re, secili anëtar i ri i kabinetit qeveritar, apo ministrive është i obliguar që pasurinë e vetë ta deklarojë në Agjencinë Kundër Korrupsion.

Të dhënat mbi pasuritë e zyrtarëve, janë gjithmonë publike në faqen e Agjencisë Kundër Korrupsion.

SHIKO MË SHUMË

Delegati apostolik vjen në Prishtinë, Presidentja e falënderon që Kosovës iu lejua prania e përhershme në Vatikan

Presidentja e Kosovës, Vjosa Osmani ka takuar sot Delegatin Apostolik të Selisë së Shenjtë...

Vazhdon të shtyhet votimi i Projektligjit për shëndetin riprodhues

Kuvendi i Kosovës ka dështuar ta votojë në lexim të dytë Projektligjin për shëndetin...

Lushtaku kujton të vrarët në masakrën e Izbicës, thotë se kjo plagë nuk shërohet deri në arritjen e drejtësisë

Nënkryetari i Skenderajt, Sami Lushtaku ka kujtuar masakrën e ’99-ës të Izbicës. Në këtë masakër...