Pasi shkarkoi trajnerin boshnjak, Sabit Hadzic, klubi i basketbollit Sigal Prishtina ka gjetur zëvendësimin e tij.
Bëhet fjalë për trajnerin maqedonas, Marjan Iliesvski, i cili tani e tutje do t’i udhëheq “Plisat”.
“Ju njoftojmë se KB SIGAL Prishtina ka arritur marrëveshje me trajnerin e mirënjohur Marjan Ilievski i cili së fundmi ishte trajner i KB Liria nga Shkupi, ekip me të cilin arriti të shkon deri në finale të Kupës së Maqedonisë vitin e kaluar, ku edhe shndërroj këtë klub në një klub shumë konkurrent në ligën e Maqedonisë. Së bashku me trajnerin Ilievski KB SIGAL Prishtina ka negociuar edhe disa lojtarë mjaft cilësor emrat e të cilëve do ti shpalosim në ditët në vijim”, shkruan në njoftimin e klubit nga kryeqyteti. /Telegrafi/