Kryetari Komunës së Lipjanit, Imri Ahmeti sot bëri një vit nga betimi i tij si kryetar komune për mandatin e dytë.
Pikërisht me datën 12.12.2017, Kryesuesi i Kuvendit Komunal në Lipjan, Daut Azemi morri detyrën e re si Kryesues i Kuvendit Komunal në Lipjan, me shumicën absolute të votave mori besimin për të parin e kuvendit komunal.
“ Na presin shumë sfida, sigurisht nuk janë të lehta dhe duan zgjidhje por bashkë me të gjithë qytetarët dhe strukturat e tjera politike e shoh të mundshme që Lipjanin ta shëndrrojmë në një qytet atraktiv, që fshatrat tona të zhvillohen edhe më fuqishëm. Jam shumë i sigurt që Lipjanin do ta bëjmë një komunë atraktive ku mund të jetohet dhe të punohet lirshëm, ku mund të krijohet një ambient i qetë i të jetuarit dhe të punuarit ashtu siç duhet dhe siç na ka hije qytetareve lipjanas”, kishte thënë Kryetari Ahmeti pas betimit.
Po ashtiu, Kryesuesi Azemi kishte thënë se është nderë dhe krenari për të që Këshilltarët e Kuvendit më votën e tyre më zgjedhën për Kryesues të institucionit legjislativ në kuadër të Komunës.
“Është përgjegjësi e imja që Kuvendi të përfaqësohet denjësisht gjatë këtij mandati dhe une zotohem se do të bashkëpunoj ngushtë me të gjithë këshilltarët në interes të qytetarëve të komunës sonë.
Bashkarisht edhe me Kryetarin e Komunës dhe gjithë stafin, do të punojmë për të mirën e Komunës tonë, do të punojmë që Komuna jonë të jetë shembull jo vetëm në Kosovë por edhe në rajon.
Jam shumë falenderues dhe mirënjohës Kryetarit IMRI AHMETI dhe strukturave të LDK-së për besimin e dhënë, falenderues edhe grupit të këshilltarëve tonë dhe të koalicioni dhe gjithë këshilltarëve që më përkrahën me votë.
Jam falenderues gjithë votuesve dhe përkrahësve të mi, veqanërisht bashkëvendasëve të Babushit të cilët çdo herë e më shumë po më mbështesin në rrugëtimin tim politik”, thuhet në fund.
