Ish-Komandanti i Ushtrisë Çlirimtare të Kosovës për Zonën e Llapit, Rrustem Mustafa është duke u intervistuar nga Prokurorët e Dhomave të Specializuara, në Hagë.
Ai aty hyri në orën 10:00 bashkë me avokatin e tij Arianit Koci, raporton Indeksonline.
Por pas më shumë se dy orëve nga hyrja e tyre në objekt, ata janë parë në kohë pauze, po ashtu brenda objektit të Prokurorisë në Hagë.
Ekipi i Indeksonline ndodhet afër ndërtesës së Prokurorisë dhe do t’iu mbajë të informuar për epilogun e këtij intervistimi.
Ndryshe për në Holandë Mustafa u nis ditën e diel, ndërsa deklaroi se ndjehet i pafajshëm dhe se po i përgjigjet ftesës së Gjykatës Speciale për pretendimet e bëra nga Dick Marty./Indeksonline/
