Duket se enterieri i Land Rover Defender, do të ketë dizajn të thjeshtë dhe të pastër

Në fund të këtij vitit, do të lansohet Land Rover Defender i ri, me mundësi të mëdha për terrene të vështira dhe teknologji të avancuar, transmeton Telegrafi.

Deri më tani, prodhuesi britanik ka shpërndarë disa fotografi të eksterierit të modelit me shtresa kamuflazhi, ndërsa në imazhin e rrjedhur shihet edhe enterieri i modelit.

Sikur gjithçka të jetë e vërtetë, atëherë enterieri i Defenderit të ri, do të ketë dizajn të thjeshtë dhe të pastër, me një ekran gjigant për udhëzime dhe komanda.

Timoni është shumë i madh, me disa kapakë që i kanë mbyllur butona. Ndërruesi i shpejtësive është shumë më i vogël se i modeleve tjera, ndërsa është i vendosur më lart.

Në përgjithësi, enterieri duket i pakompletuar dhe sigurisht se do të ketë edhe shtesa tjera me kalimin e kohës. /Telegrafi/