Presidenti i Interit, Steven Zhang ka thënë se fansat duhet të qëndrojnë të qetë sa i përket rinovimit të kontratës së Mauro Icardit.
Presidenti i Inter, Steven Zhang, ka folur me gazetarët gjatë daljes nga zyrat e Interit, ku ka thënë se klubi do të vendosë shumë shpejt për kontratën e kapitenit të zikaltërve, transmeton Gazeta Express.
“Icardi? Është kapiteni ynë, do të flasim shumë shpejt për kontratën e tij. Po punojmë për të ardhmen. Gjithçka është në rregull”, ka thënë Zhang.
“Merkato? Janari nuk ofron mundësi të mëdha zakonisht, por nëse do të paraqitet, do të bëjmë gjithçka është e mundur për të shfrytëzuar. Punojmë që të sjellim këtu talente të rinj”. / Gazeta Express/
