Plazhi i Llamanit është nga më të populluarit në Himarë për shkak se është larg qytetit dhe zhurmës. Dhe bukuria e natyrës së këtij bregdeti nuk ka të mbaruar, pasi mbas gjirit të Llamanit shfaqet një ndër pamjet më spektakolare të krahinës madje dhe gjithë bregdetit, Kalaja e Porto Palermos.
Sapo kalon qytetin e Himarës, rreth 5 km larg saj, befas në krahun e djathtë të lëvizjes, të shfaqet përpara gjiri i Llamanit si një oaz i vogël me një plazh shumë mahnitës me ujra të ftohtë dhe me rërë të ashpër.
Plazhi i Llamanit është nga më të populluarit në Himarë për shkak se është larg qytetit dhe zhurmës. Dhe bukuria e natyrës së këtij bregdeti nuk ka të mbaruar, pasi mbas gjirit të Llamanit shfaqet një ndër pamjet më spektakolare të krahinës madje dhe gjithë bregdetit, Kalaja e Porto Palermos.
Vlerësimet për këtë vijë bregdetare kanë qenë të shumta nga vizitorë, artistë dhe gazetarë.
Gazeta prestigjoze amerikane “New York Times” në faqen e saj ka publikuar foton e plazhit të Llamanit, duke e cilësuar atë si “Photo of the week” – “foto e javës’. Foto është publikuar në rubrikën Travel, A Guide to Intelligent Travel (Guidë për një udhëtim inteligjent).
Pak kohë më parë edhe “Reuters” publikoi një shkrim të posaçëm mbi bukuritë dhe potencialet turistike që ofron Shqipëria.
Himara shquhet për plazhet e saj shumë të bukur, shumica me zalle, por edhe me rërë te bardhë e të imët. Spilea është plazhi qëndror i Himarës, me shumë vizitore në verë, më tutje janë Prino, Potami, Filikuri, më në jug Llamani, Qeparoi, Borshi, brigjet e Piqernit (Buneci), Lukova dhe Kakomea.