Mungoi në takimin koordinues për dialog, Thaçi thotë se askush nuk duhet të hezitojë të marrë përgjegjësi në këtë fazë

Presidenti i vendit, Hashim Thaçi ka deklaruar se mirëpret dhe mbështet takimin e sotëm koordinues për dialogun, që sipas tij është veprim i domosdoshëm për bashkërendimin e hapave në fazën finale të dialogut.

Thaçi poashtu tha se Kosova me vështirësi po e ndërton unitetin e domosdoshëm në çështjet e interesit shtetëror dhe se duke qenë të bashkuar do të përmbyllet me sukses edhe ky kapitull i shtetndërtimit, transmeton Indeksonline.

 

 

Poashtu presidenti Thaçi shtoi se pavarësisht shkaqeve të mundshme, ikja nga përgjegjësia politike dhe bojkotimi i këtij procesi është në kundërshtim me interesin tonë shtetëror dhe atë të partnerëve strategjikë.

Ndryshe Thaçi ishte i ftuar që të jetë prezent sot në takimin e thirru nga kryeparlamentari Kadri Veseli, por që ky i fundit nuk u pa në këtë takim.

Postimi i plotë i Thaçit:

E mirëpres dhe mbështes takimin e sotëm koordinues për dialog, si një veprim i domosdoshëm për bashkërendimin e hapave në fazën finale të dialogut. Kosova me vështirësi po e ndërton unitetin e domosdoshëm në çështjet e interesit shtetëror. Mirëpo, nëse do të jemi të bashkuar, ne do ta përmbyllim me sukses edhe këtë kapitull të shtetndërtimit. Si President i Republikës së Kosovës, vlerësoj lart përpjekjet e kryeparlamentarit Veseli për koordinimin ndërinstitucional dhe atë ndërmjet grupeve parlamentare për forcimin e unitetit politik. Pavarësisht shkaqeve të mundshme, ikja nga përgjegjësia politike dhe bojkotimi i këtij procesi është në kundërshtim me interesin tonë shtetëror dhe atë të partnerëve tanë strategjikë. Prandaj, askush nuk duhet të hezitojë që të marrë përgjegjësi në këtë fazë përfundimtare të dialogut, i cili pritet të përfundojë me një marrëveshje paqësore dhe gjithëpërfshirëse, që Kosovës do ia sigurojë njohjen nga Serbia dhe anëtarësimin në OKB, NATO dhe BE. HTH