Trajneri i Kombëtares shqiptare, Gianni De Biasi, është pjesë e tetë personaliteteve të sportit në krahinën e Friuli-Venecia-Giulias, të cilët po garojnë për çmimin “Personazhi i Vitit”.

Sondazhin e bën e përditshmja “La tribuna di Treviso”, e cila ka nisur që nga data 22 dhjetor dhe mbyllet më 31.

Deri dje në darkë, De Biasi ishte në vend të dytë me 24 për qind të votave (746 vota), teksa kryesonte presidenti i klubit të basketbollit, TV Basket, Paolo Vazoler, me 26 për qind të preferencave, transmeton Telegrafi.

Pas De Biasit vinte Alberto Perusi, kampion i patinazhit artistik, në çift me Izabela Gensi me 22 për qind (746 vota). Sakaq, De Biasi pritet të marrë edhe shumë vota nga shqiptarët. /Telegrafi/