Ish-trajneri i Real Madridit, John Toshack, beson se Marcelo nuk është i vetmi problem në skuadrën e “Los Blancos”, por thotë se madrilenët duhet t’i shesin gjysmën e lojtarëve që aktualisht i kanë në skuadër.
Mbrojtësi anësor brazilian është kritikuar shumë gjatë kohës së fundit, veçanërisht pas gabimit të tij për golin e dytë të Gironës në ndeshjet e javës së kaluar, mirëpo Toshack beson se problemet e Real Madridit janë më të mëdha, transmeton Gazeta Express.
“Real Madridi duhet ta ndryshojë gjysmën e skuadrës, jo vetëm Marcelon”, ka thënë Toshack për ‘El Golazo de Gol’.
Ai gjithashtu i dha disa këshilla për bashkëkombësin e tij, Gareth Bale, të cilin e kishte stërvitur gjatë kohës sa ishte trajner i ekipit kombëtar të Uellsit.
“Bale duhet ta mësojë spanjishten si shenjë respekti për njerëzit e këtij klubi”, ka thënë Toshack, pasi u bë e ditur se Bale nuk flet spanjisht, përkundër që ka qenë pjesë e Real Madridi që gjashtë vjet. /Gazeta Express/
