Jose Mourinho beson se qendërmbrojtësi dhe kapiteni i Real Madridit, Sergio Ramos, e goditi qëllimisht kapitenin e Barcelonës, Lionel Messin, në fytyrë. Por, portugezi e arsyeton këtë veprim të Ramosit, duke thënë se ai e bëri me qëllim që ta ndryshojë rrjedhën e ndeshjes.
Ramos e goditi me dorë Lionel Messin gjatë një aksioni, edhe pse nuk është e qartë nëse e bëri këtë gjë me qëllim. Messi mbeti i shtrirë në fushë nga ky incident, mirëpo gjyqtari Alberto Undiano Mallenco nuk e konsideroi të parregullt dhe e sinjalizoi vazhdimin e lojës, transmeton Gazeta Express.
Pas kësaj, Messi u ngrit në këmbë dhe aty filloi një zënkë me Ramosin, kur të dy futbollistët i përplasën kokat me njëri-tjetrin.
Një lloj zënke filloi edhe mes të gjithë lojtarëve pasi gjyqtari e sinjalizoi përfundimin e ndeshjes, mirëpo gjithçka përfundoi shumë shpejt dhe të dy skuadrat u drejtuan për në zhveshtoret e Santiago Bernabeut.
“Mendoj se në pjesën e parë, që të dy skuadrat e kishin topin, por ata nuk e lënduan shumë njëri-tjetrin. Ndeshja nuk e kishte temperaturën e një derbi, të një El Clasico që mund ta vendosë garën për titull”, ka thënë Mourinho.
“Mendoj se veprimi i Sergio Ramosit është një veprim e një lojtari që e di se ndeshja duhet të ndryshojë. Ai e bëri këtë me qëllimin që ta krijojë një temperaturë tjetër për pjesën e dytë, sepse, deri atëherë, ndeshja kishte qenë shumë e butë, për mendimin tim”.
Barcelona e filloi këtë ndeshje me rezultat 1:0. Tri pikët e fituara nga kjo ndeshje bëjnë që Barcelona ta përforcojë pozitën e parë në tabelën e La Ligës, plot 12 pikë para “Los Blancos” e dhjetë pikë para Atletico Madridit. /Gazeta Express/
