Legjenda e futbollit gjerman, Lothar Matthaus, beson se Bayern Munichu është në një gjendje të keqe për momentit për shkak se nuk kanë bërë revolucion në skuadër, dhe jo për shkak të trajnerit të ri, Niko Kovac.
Kampioni gjerman, që e fituar titullin e Bundesligës për gjashtë vite radhazi, i ka fituar vetëm shtatë nga 13 ndeshjet e zhvilluara deri më tani këtë sezon. Tani, klubi gjerman radhitet në pozitën e katërt, nëntë pikë larg liderëve, Dortmund, transmeton Gazeta Express.
“Kovaci ishte lojtar i Bayernit për 15 vite. Ai e ka ADN-në e Bayernit, ai e njeh Bundesligën. Ai ka rrënjë kroate, por ka lindur në Gjermani. Ai ishte trajneri i Kombëtar i Kroacisë, ai e ka përvojën për të punuar me yje. Por, Bayerni është diçka i veçantë”, ka thënë Matthaus.
“Dhe për këtë arsye, ai ka nevojë për pak mbështetje nga njerëzit që punojnë në atë klub. Për mua, gabimi i Bayernit ishte se ata nuk i ndryshuan lojtarët. Ata i kanë lojtarët që kanë qenë duke luajtur për gjashtë vitet e fundit, si Robben, Ribery, Boateng, Muller”.
“Kohët ndryshojnë, futbolli bëhet më i shpejtë dhe gjeneratat e reja vijnë. Gabimi më i madh i Bayernit ishte se para këtij sezoni, ata nuk e bënë ndryshime”. /Gazeta Express/